ДОБРИ ЈОВЕВСКИ - Дипломиран професор по одделенска настава-наставник ментор, со завршени магистерски студии по математички науки и математичко-информатичко образование.

Како дипломиран професор по одделенска настава, наставник-ментор и долгогодишен обучувач во областа на образованието, активно учествувам во иницијативи и обуки насочени кон унапредување на наставниот процес во основните училишта. Моето професионално дејствување е фокусирано на создавање инклузивна и стимулативна средина за учење, развој на наставни материјали и интеграција на дигитални технологии во образовниот процес во Република Северна Македонија.

Поседувам магистерска диплома по математички науки и математичко-информатичко образование од Универзитетот „Гоце Делчев“ – Штип. Во рамките на магистерските студии, истражував теми поврзани со дигитализацијата, дигиталната трансформација и примената на дигитални ресурси во наставата по математика во основното образование, со посебен фокус на тековните состојби и предизвици во оваа област.

 Автор на учебници

• Математика за петто одделение / МАТЕМАТИКА за петто одделение [Електронски извор] / Атанасова-Пачемска, Татјана [автор] 2. Алија, Валдета [автор] 3. Поповска, Виолета [автор] 4. Јовевски, Добри [автор]; ISBN 978-608-273-180-3 [илустратор Шенол Али]. - Скопје : Министерство за образование и наука на Република Северна Македонија, 2020, -282стр.  COBISS.MK-ID 58782725
• Математика за четврто одделение / МАТЕМАТИКА за четврто одделение [Електронски извор] / 1. Атанасова-Пачемска, Татјана [автор] 2. Алија, Валдета [автор] 3. Поповска, Виолета [автор] 4. Јовевски, Добри [автор] ISBN 978-608-273-092-9 [илустратор Анастасија Димитрова]. - Скопје : Министерство за образование и наука на Република Северна Македонија, 2022, 354стр. MK-ID 58382597
• Математика за трето одделение / МАТЕМАТИКА за трето одделение [Електронски извор] / 1. Атанасова-Пачемска, Татјана [автор] 2. Поповска, Виолета [автор] Јовевски, Добри [автор] ISBN 978-608-273-646-4 [Елизабета Анѓелова Шурбевски и др.] - Скопје : Министерство за образование и наука на Република Северна Македонија, 2023, 237стр. COBISS.MK-ID 62447877
• Математика за четврто одделение – материјали за учење / Татјана Атанасова-Пачемска, Валдета Алија, Добри Јовевски. - Скопје: Биро за развој на образованието, 2021. - [356] стр.: илустр.; 26 cm ISBN 978-608-206-082-8 Алија, Валдета [автор]    2. Јовевски, Добри [автор] COBISS.MK-ID 54646021
• Збирка задачи по математика за прво одделение / 1. Атанасова-Пачемска, Татјана [автор] 2. Поповска, Виолета [автор] 3. Јовевски, Добри [автор], ISBN 978-608-204-479-8, ; [илустратор Ѓорѓи Кротков]. - Скопје : Тримакс, 2022. - 110 стр, MK-ID 63913477
• Збирка задачи по математика за второ одделение / 1. Атанасова-Пачемска, Татјана [автор] 2. Поповска, Виолета [автор] 3. Јовевски, Добри [автор], ISBN 978-608-204-446-0, ; [илустратор Теодора Јовановска]. - Скопје : Тримакс, 2023. - 84 стр, MK-ID 61408773
• Збирка задачи по математика за трето одделение / 1. Атанасова-Пачемска, Татјана [автор] 2. Алија, Валдета [автор] 3. Поповска, Виолета [автор] 4. Јовевски, Добри [автор], ISBN 978-608-204-401-9, ; [илустратор Анастасија Димитрова]. - Скопје : Тримакс, 2022. - 123 стр, MK-ID 58681861
• Збирка задачи по математика за четврто одделение - 1. Атанасова-Пачемска, Татјана [автор] 2. Алија, Валдета [автор] 3. Поповска, Виолета [автор] 4. Јовевски, Добри [автор], ISBN 978-608-204-396-8, ; [илустратор Анастасија Димитрова]. - Скопје : Тримакс, 2022. - 123 стр, MK-ID 58371077
• Збирка задачи по математика за петто одделение / 1. Атанасова-Пачемска, Татјана [автор] 2. Алија, Валдета [автор] 3. Поповска, Виолета [автор] 4. Јовевски, Добри [автор], ISBN 978-608-204-401-9, ; [илустратор Анастасија Димитрова]. - Скопје : Тримакс, 2022. - 123 стр, MK-ID 58681861
• Автор на материјалите за учење по математика за петто одделение учебна 2022/2023 година. (Авторски тим: Д-р Татјана Атанасова – Пачемска, Добри Јовевски, Виолета Поповска, Валдета Алија
• Надворешен соработник на Биро за развој на образованието во работната група за изготвување на новите наставни програми за предметот Математика за прво, второ, трето, четврто и петто одделение според Концепцијата за основно образование.

Автор и коавтор на трудовите,

1. D. Jovevski, T.A. Pachemska, V. Popovska, Z. Trifunov, „Learning mathematics using digital tools-digitalization of materialsfor studying“ Journal, South East European Journal of Sustainable Development, 2023, Vol 7, Issue 1, p53
2. Jovevski, T.A. Pacemska, A.P. Mitanovska, Unlocking Mathematical Proficiency: Exploring Digital Platforms as Catalysts for Overcoming Learning Barriers, VII Macedonian Mathematical Congres 2023, Union of Mathematicians of Macedonia.
3. Jovevski, T. Pachemska, A. Atanasova, Benefits of Digitalization of Textbooks for Improving the Educational Process – A Case Study in the Republic of North Macedonia, 10th International Scientific Conference Technics, Informatics, and Education – TIE 2024, UNIVERSITY OF KRAGUJEVAC, Faculty of Technical Sciences Čačak, Serbia
4. D. Jovevski, A. Atanasova, T. Pachenska, A.P. Mitanovska, Enhancing mathematics education through digital technologies and innovative approach, Information Technology аnd Education Development – ITRO 2024, Zrenjanin, Republic оf Serbia
5. С.Палчевска, Д.Јовевски, Г.Д. Георгиевска, Значење на курикулумот во современиот воспитно-образовен систем, ПЕДАГОШКА РЕВИЈА, (Научно списание за образовни прашања), Година 13, 2022, стр.35, Универзитет „Св.Кирил и Методиј“ Скопје, Педагошки факултет „Св.Климет Охридски“ Скопје, Република Северна Македонија.
6. Malinovski, T. Vasileva-Stojanovska, D. Jovevski, M. Vasileva, V. Trajkovik, "Adult Students' Perceptions in Distance Education Learning Environments Based on a Videoconferencing Platform – QoE Analysis", Journal of Information Technology Education: Research, vol.14, pp. 1-19, 2015 (SCImago Journal & Country Rank IF: 0.27)
7. Vasileva-Stojanovska, T. Malinovski, M. Vasileva, D. Jovevski, V. Trajkovik,  "Impact of Satisfaction, Personality and Learning Style on Educational Outcomes in a Blended Learning Environment", Learning and Individual Differences (accepted for publication) (Thomson Reuters Journal Citation Report IF: 1.565)
8. “Classmate Computers in Creating Stimulating Classrooms for Learning, Good Practices”, Education Reflections, Scientific and professional journal for theory and practice in education and rehabilitation, 1/2012- page 49-56
9. Published papers in international publication “On-line learning through Virtual Classrooms” issued by SHC "Education and Technology", Municipality Bourgas, University "Prof.. Dr. Asen Zlatarov "in collaboration with Microsoft Partners in learning, page 216
10. "Innovative use of technology teaching Grandma’s games" issued by SHC "Education and Technology", Municipality Bourgas, University "Prof. Asen Zlatarov" in collaboration with Microsoft Partners in learning, page 472

Признанија и награди

Во текот на мојата професионална кариера, сум добитник на бројни признанија и награди на локално, национално и меѓународно ниво, кои ја потврдуваат мојата посветеност на квалитетот во образованието и иновативните наставни практики.

Национални и меѓународни признанија:

• Просветен работник на годината во Република Северна Македонија – признание од Сојузот на просветните работници на РСМ (2019/2020).
• Просветен работник на годината во Општина Крива Паланка – признание од Општина Крива Паланка (2018/2019).
• Титула „Најдобар наставник во поранешна Југославија 2018“ – доделена од Асоцијацијата на најдобрите наставници од поранешна Југославија.
• Прва награда „365 Challenge 2017“ – за метод на примена на апликацијата Skype for Business (организатор: Microsoft Македонија).
• Прва награда на Microsoft филмски фестивал – организатори: ПИЛ Македонија и Министерството за образование на РСМ.
• Silver Level признание – за поднесување на наставни планови во заедницата Friendship Schools (Intel).
• Втора награда на Светскиот форум за иновативни наставници – Вашингтон 2011 (организатор: Partners in Learning – Microsoft).
• 8-мо Октомвриска награда на Општина Крива Паланка – за особени достигнувања во областа на образованието (2011).
• Прва награда на Европскиот форум на иновативни наставници – Москва 2011 (организатор: Partners in Learning – Microsoft).
• Прва награда на Националниот форум на иновативни наставници во Македонија – 2011 (организатор: Partners in Learning – Microsoft Македонија).
• Прва национална награда за иновативност во користењето на технологијата во наставата – 2011 (организатор: Intel Corporation).
• Трета награда на Националниот форум за иновативни наставници – 2009 (организатор: Partners in Learning и УСАИД).

Локални награди и признанија:

• Прво место за најубава „Велигденска декорација“ – Општина Крива Паланка и Градски музеј Крива Паланка (2015).
• Второ место за најубава „Велигденска декорација“ – Општина Крива Паланка и Градски музеј Крива Паланка (2016, 2017).

Во текот на изминатите две децении, активно сум ангажиран во бројни проекти од областа на образованието, со посебен фокус на професионалниот развој на наставниците и унапредување на наставните практики. Моето најголемо мотивирачко искуство произлегува од улогата на обучувач, преку која, заедно со моите колеги, чекориме низ новите предизвици со заедничка цел – збогатување и подобрување на знаењето кај учениците.

Како координатор, сениор експерт и обучувач, учествував во имплементацијата на проекти поддржани од релевантни домашни и меѓународни институции, меѓу кои БРО, УСАИД, УНИЦЕФ, УНДП, ИПА, СЗО, МИМ, Фондацијата „Чекор по чекор“ и програмите на Еразмус. Преку овие проекти, развивав и спроведував наставни стратегии и техники, креирав едукативни видеоматеријали за поддршка на наставниот процес, како и иновативни пристапи во оценувањето на учениците. Со особено задоволство ги реализирам обуките во согласност со новата Концепција за основно образование, медиумската писменост, инклузијата на учениците Роми и координацијата на пилот-училиштата во проектот „Училишта што го унапредуваат здравјето“.

Во последниот период, значаен професионален предизвик за мене беше соработката со Државниот испитен центар во развивањето на рамката за оценување во рамките на државното тестирање по математика за V одделение, како и креирањето на стандарди за оценување по математика за III и IV одделение во соработка со Бирото за развој на образованието. Дополнително, мојот интерес е насочен кон унапредување на инклузивното образование и развивање на тандем-наставата во инклузивна училница.

Како автор на научни трудови, излагања и презентации, учествував на бројни конференции, симпозиуми и стручни средби во земјата, регионот и на меѓународно ниво. Верувам дека преку континуирано професионално усовршување, проактивност и адаптирање кон современите образовни предизвици, можеме да создадеме позитивна и стимулативна средина за учење, која промовира еднакви можности за сите ученици.

Со почит,

м-р Добри Јовевски